E proyekto

E proyekto di Hòspital Nobo Otrobanda (HNO) ta bai tokante realisashon di un hòspital general nobo na Kòrsou i ta ehekutá riba enkargo di Gobièrnu di  Pais Kòrsou. Gobièrnu di  Pais Kòrsou (e dunadó di enkargo) a sera  un kombenio di maneho  ku fundashon SONA (esun ku a tuma e enkargo) ku na su turno a sera un kombenio di management ku  Berenschot International B.V. pa ehekushon di e proyekto. Meta di e proyekto ta pa entregá un hòspital nobo operashonal duradero.

E nòmber ku lo usa tanten pa e hòspital general nobo, ‘Hòspital Nobo Otrobanda’, ta derivá for di e sitio  Otrobanda, kaminda lo realisá e edifisio. Riba 19 di desèmber 2013 nos a kuminsá ofisialmente ku e preparashonnan pa konstrukshon di HNO pa medio di un  seremonia, ‘Groundbreaking Ceremony’. For di e dia ei e desaroyonan ta sigui otro den un tempu rápido. Miéntras tantu e konstrukshon di e hòspital ta den ful swing, i a kuminsá ku transishon di HNO. Pronto lo kuminsá ku e trayekto di destaho públiko pa interior di HNO. Aki bou ta sigui un deskripshon di diferente fase  den sekuensia kronológiko ku a kana den e trayekto di konstrukshon di HNO. Ta terminá esaki ku un kantidat di potrèt ku ta ilustrá progreso di e  konstrukshon.  Despues ta duna informashon di e trayekto di destaho públiko pa interior di  HNO. Pa mas informashon di e transishon na HNO, mira Transishon.

Un impreshon di e proseso di konstrukshon

fotoalbum bouw Nieuwste rendering HNO ziekenhuis 4