Sin planifikashon

Aki bou nos tin un deskripshon simpel di e diferente fase te na e momentu ku terminá e hòspital nobo. Di e forma aki bo por lesa pa medio di e dibuho aki banda kon ta desaroyá e hòspital.

Stap 000 – Fase di diseño

E fase di diseño ta enserá ku e arkitektonan bou di guia di e kontratista ta traha e diseño definitivo huntu ku e enkargado di e konstrukshon, konseheronan di instalashon i konseheronan di e konstrukshon físiko.

Stap 001 Preparashonnan tékniko

E preparashonnan tékniko ta enserá elaborashon di e diseño di e hòspital den e diseñonan tékniko di e konstrukshon, eskoho di e materialnan i e forma ku ta ehekutá e trabou. E ingeniero arkitektóniko i e ingeniero di instalashon ta  traha riba e diseño – lesa – ta kombertí esaki den un produkto tékniko ku por realisá.

Stap 002 Muraya pa separashon

E asina yamá Keerwand fase 1 ta enserá ku ta pone un muraya di betón vertikal ku tin di wanta e diferensia di haltura entre e dos nivelnan. E piso abou ta bini riba e nivel di e tereno di Colon i e garashi pa parker ta keda 7 meter bou di nivel di e tereno di Colon. Pa por wanta e diferensia di nivel aki ta konstruí un  ‘keerwand’.

Stap 003  Fundeshi H2 + H3  fase 1 (600mm)

E fase aki ta enserá ku ta traha e fundeshi di e hòspital nobo for di plachi di betòn di 600 mm diki (60 cm), ku mester wanta tur e peso horizontal  (e.o. forsa di  temblor i di orkan) i e forsanan vertikal. E nombernan H2 i H3 ta wòrdu husa durante e diseño i ehekushon di e partinan di konstrukshon pa asina un hende por orientá su mes den e edifisio. E lèter H ta para pa e terminologia ‘Hot Floors’  ku ta enserá kontenido di tur funshon importante manera, sala di operashon, sterilisashon, ayudo  den kaso di urgensia etc. H2 i H3 no ta nòmbernan ku bo ta haña bèk den e hòspital.

Stap 004  Flur di Fundeshi Vc + Vd  fase 1 (600mm)

Meskos ku Stap 003, aki tambe lo basha flur di fundeshi. V ta para pa e departamentu di Kuido  bou di kual e ofisina di entre otro e médikonan ta kai. Entre e partinan di konstrukshon H i V ta bini e Atrium (fase di konstrukshon E).

Stap 005 Konstrukshon brutu fase 1

ESAKI TA E FASE KU NOS TA ADEN AKTUALMENTE

Fase 1 di e “ruwbouw” ta konsistí di e konstrukshon di e skelèt di betòn, murayanan konstruktivo, konstrukshon di tur flur di e diferente pisonan, konstrukshon di e fachada i e dak.

Stap 006 Traha espasio riba e tereno di SEHOS

E hòspital nobo ta bini parsialmente riba e tereno kaminda SEHOS ta aktualmente. Esaki ta nifiká, ku parti di SEHOS mester muda pa un sitio temporal di moda ku por traha espasio pa konstruí HNO.  Den e proseso aki  kontinuidat di kuido ta para sentral i SEHOS ta keda alkansabel na tur momentu. Ta trata aki di e tereno kaminda aktualmente tin e tayer tékniko, kardiólogo  i katerisashon di kurason. Tur e departamentunan aki ta haña un otro espasio i ta keda normalmente habrí i alkansabel durante konstrukshon, meskos ku e sobrá departamentunan di SEHOS. Nos ta yama e parti di konstrukshon riba tereno di SEHOS “fase 2”.

Stap 007 Demolisashon i kibra klep fase 2

Durante e fase aki mester traha espasio pa e di dos parti di e garashi pa parker i pa esei lo mester bolbe kibra klep (pieda).

Stap 008 'Keerwand' fase 2

Meskos ku na e promé fase aki tambe tin un diferensia entre e nivelnan ku mester superá. Pa e motibu aki  lo bolbe pone un ‘keerwand’.

Stap 009 Flur di piso abou H1 fase 2  (600mm)

Esaki ta meskos ku Stap 003 kaminda ta basha flur di fundeshi , pero aki ta trata di e sobrá flur.

Stap 010 Flur di piso abou  Va en Vb fase 2

Aki ta trata di e dos otro alanan Va i Vb. E lèter A ta para pa ‘departamento di Kuido’. Den e alanan aki tambe bo ta haña departamento di diálisis, botika i e sentro di edukashon. Entre e partinan  H i V ta bini e Atrium (parti di konstrukshon E).

Stap 011  Konstrukshon brutu fase 2

Meskos ku Stap 005, aki ta konstruí e di dos parti di e hòspital. Esaki ta práktikamente e otro mitar di e “ruwbouw”. Aki tambe ta traha e skelèt di betòn,  flur di e pisonan, e fachada i e dak.

Stap 012 Fase final plan di konstrukshon

E fase final di e plan di konstrukshon di e hòspital nobo ta konsistí di: pone e murayanan paden, traha plafòn, pone sanitario, pone e instalashonnan ku ta regulá klima, instalashonnan elektrotéknika i di seguridat, instalashon di e fasilidatnan médiko (manera gasnan médiko, airu komprimí (perslucht) i tubu di oksígeno  (zuurstofleiding), pone tapeit, fèrf e murayanan, pone porta i porta di skùif etc.

Na e fase final di e plan di konstrukshon ainda no ta pone aparato médiko, muebel i artíkulonan pa kantor.

Aki ta trata solamente di e edifisio mes.

Stap 013 Struktura di tereno

Te ora e edifisio ta kompletamente kla nos por bai traha riba struktura di e tereno rondó di e edifisio. Aki ta trata di traha kaya, pone palu i planta etc. Ora e hospital ta den konstrukshon e tereno rondó di e hospital ta keda usa  komo sitio di konstrukshon. Pései e tereno rondó di e hospital ta keda drecha den e delaster fase.

Stap 014 Entrega tékniko

E fase aki ta e momentu kontraktual  kaminda e kontratista ta entregá e edifisio na e doño. Promé ku e traspaso aki a tèst tur sistema i a validá esakinan, esaki ta nifiká  ku a kontrolá  i a midí si e espasionan ta kumpli ku e eksigensianan stipulá.

Het ziekenhuis kan nu operationeel gemaakt worden. Dit is het moment dat medewerkers en nog bruikbare spullen zoals meubels, medische apparatuur, medische voorraden zullen overgaan naar Hòspital Nobo Otrobanda. Daarna kan het nieuwe ziekenhuis haar patiënten ontvangen.

Awor por  operashonalisá e hòspital. Esaki ta e momentu ku e personal i e kosnan ku por usa ainda manera muebel, aparato médiko, stòk médiko ta pasa pa Hòspital Nobo Otrobanda. Despues e hòspital nobo por risibí pashènt.