Entrevista Dito Garmers - Area Manager HNO

Gepubliceerd op 30 maart 2016

"Mi nòmber ta Dito Garmers. Pa mi ta un honor di por kontribuí na e proyekto di Hospital Nobo Otrobanda. Semper mi a traha den proyektonan na bienestar di desaroyo di nos País i esaki ta e proyekto ku e impakto i embergadura di mas grandi den mi karera profeshonal.

Un di e impaktonan mas grandi banda di aspektonan tékniko di konstrukshon i maneho di e proyekto, ta e aspekto di akomodá e edifisio den su ambiente. Komo Area Manager i esun responsabel pa e ambiente rondó di Hospital Nobo, den tur sentido, semper mi ta buska e balansa den kua Kòrsou ta keda benefisiá mas tantu.

Mi konosé e proyekto manera mi plant’i man i mi ke kompartí esaki ku nos komunidat kompleto. Un proyekto ku mas di ocho mil punto di eksigensia ku ta forma e base di e diseño i kaminda tur posibel aspekto a keda konsiderá.

Mi ta spera ku nos lo balorá i kuida nos Hospital Nobo den Otrobanda, ku pronto lo keda realisá. Ban aportá ku mente positivo na e proyekto aki. Ami sigur lo sigui hasié, sirbiendo nos komunidat na un manera sinsero i responsabel. Esaki p’ami ta e punto di mas haltu i alabes un reto, ku diariamente mi ta selebrá."