Progreso di HNO mihó ku a spera

Gepubliceerd op 21 januari 2015

Willemstad – “Progreso di HNO ta mihó ku a spera”, ta palabranan di Minister Ronald Plasterk di Asuntunan Interno i Relashonnan di Reino, kende a bishitá e tereno di konstrukshon di Hòspital Nobo Otrobanda (HNO) dia 21 di yanüari 2015. E tabata kompañá pa Minister Ben Whiteman (GMN) i Minister Earl Balborda (VVRP). Por lo demas Minister Plenipotensiario Marvelyne Wiels, e Representante saliente di Hulanda Gerard van der Wulp, e Representante entrante Henk Brons i e Direktor Hulandes di Relashonnan di Reino Erwin Arkenbout tambe tabata presente.