Tokante nos

E enkargo Hòspital Nobo Otrobanda

E fundashon SONA tin komo meta prinsipal duna un aporte na desaroyo di Pais Kòrsou  dor di aloká medionan independiente i profeshonal na proyektonan. Gobièrnu di Pais Kòrsou (e dunadó di enkargo) a sera un kombenio di maneho ku SONA (esun ku a tuma e enkargo) enkuanto desaroyo i realisashon di un hòspital nobo operashonal duradero. SONA na su turno a sera un akuerdo di management ku  Berenschot International B.V. A base di e akuerdo aki  Berenschot International B.V. ta ehekutá bou di e nòmber komersial USONA  (Uitvoeringsorganisatie SONA)  na nòmber di, pa kuenta di i pa SONA e tareanan i responsabilidatnan ku a keda apuntá na SONA den e akuerdo di maneho.

Artist impression

HNO_artist

Koperashon entre 3 aktor: Gobièrnu, USONA i SEHOS

Den e di tres kuartal di 2013 Konseho di Minister a tuma un stap desisivo pa realisá e hòspital den Otrobanda. Bou di direkshon di Gobièrnu a traha palabrashon entre Gobièrnu, USONA i SEHOS i a stipulá un Memorandum of Understanding (MoU) ku e partidonan a firma dia 20 di sèptèmber 2013. E ròlnan di e diferente partidonan ta definí komo lo siguiente (artíkulo 15 MoU):

  1. Gobièrnu ta intensivá e guia di e dos otro partidonan, ta stimulá koperashon i ta krea kondishonnan pa realisá e proyekto mas pronto ku ta posibel;
  2. SEHOS ta i ta keda, den estrecho koperashon ku Gobièrnu, responsabel pa kontinuidat i kalidat di kuido den e hòspital general; ta hunga un ròl den e preparashonnan i e organisashon di e hòspital i tambe e transishon i e mudansa berdadero di e hòspital bieu pa esun nobo i tin komo organisashon profeshonal e input nesesario den e destahonan públiko di e ekipo (mediko) i di ICT;
  3. USONA ta sigui ehekutá su enkargo di akuerdo ku e akuerdo di maneho fechá 10 di ougùstùs 2011, konsiderando loke ta stipulá den e Memorandum of Understanding aki i e sirkunstansianan ku ta kambia relashoná ku entre otro sitio i periodo di durashon. Esaki ta enserá ku USONA ta ehersé e direkshon di transishon di e hòspital bieu pa esun nobo;

Ku esaki a duna forma na e koperashon entre e tres aktornan Gobièrnu, USONA i SEHOS di e trayekto definitivo aki.

Partnernan di e proyekto

Partnernan di kolaborashon

A selektá e arkitekto, kontratista, konsehero tékniko  i e otro partidonan konserní  pa medio di un destaho públiko, ku a tuma lugá na 2012. E kontrakt ku a keda usa yama, Design-Build-Maintain. Esaki ta nifiká ku e partidonan interesá mester a duna un oferta pa e diseño , konstrukshon i mantenshon di e hòspital. Un di e eksigensianan hopi importante tabata ku lo hasi mas uso posibel di material lokal, trahadó lokal i supkontratista lokal. Den sekuensia di e prosedura kaminda den prinsipio 14 konsorsio for di henter mundu a inskribí, 5 konsorsio a kualifiká pa e ‘shortlist’ di kua a selektá 3 pa traha un diseño den konsepto, a selektá e konsorsio Ballast Nedam. Esaki a skor mas haltu tantu riba kalidat komo preis. Tambe tabatin un arkitekto lokal den e konsorsio aki: Oeverzaaijer Lyongo architecten.

Profil Ballast Nedam

Ballast Nedam ta spesialisá den realisashon di proyektonan grandi di konstrukshon, òf proyektonan ku tin mas risiko. Apesar di e índole di e kompleksidat, maneho kompletu di e proseso di konstrukshon dor di un grado haltu i organisashon ta para sentral.

Ballast Nedam ta traha ku otro kompanianan den e mesun ramo. Tur solushon di Ballast Nedam tin un kos en komun; ta e totalidat di solushonnan ku por mira serka nan embolbimentu pa drecha e ambiente di bida. Den esensia esaki ta enserá ‘realisá un kalidat duradero’.

Pa realisá Hòspital Nobo Otrobanda Ballast Nedam ta traha entre otro ku partnernan lokal na Kòrsou OeverZaaijerLyongo architecten, EGM architecten i e konseheronan pa instalashon tékniko Valstar Simonis. Adishonal nan ta hasi mas tantu posibel uso di trahadónan lokal. Un reto kaminda nan a mustra di por atendé ku esaki.

logo Ballast-Nedam

Profil Oeverzaaijer Architectuur en Stedenbouw i Lyongo Archtitectuur

Oeverzaaijer Architectuur en Stedenbouw i Lyongo Architectuur a uni forsa na Kòrsou. E koperashon aki ta hasi posibel pa pone konosementu i habilidatnan riba tereno urbano, arkitektura i téknika di konstrukshon sentral. E dos organisashonnan aki tin tantu un relashon profeshonal komo personal ku otro ku ta garantisá un servisio i produkto di kalidat haltu.

Ámbos organisashon tin eksperensia den realisá proyektonan riba (ántes) Antia Ulandes. E intenshon di e arkitektonan aki ta pa via nan kolaborashon mantené un ròl aktivo den e ramo di arkitektura den Karibe. E konseptonan básiko di nan aktividatnan ta: Corporate Social Responsibility, kreatividat, durabilidat i efisiensia.

LogoOeverZaaijerLyongo-RGB-370px